Հիմնադրելով «Nurazyan Construction» ընկերությունը՝ մենք սահմանել ենք մեկ հստակ նպատակ՝ կառուցել բարձրորակ, ժամանակակից և յուրահատուկ շինություններ։ Այսօր մենք աշխատում ենք մեր նոր նախագծի՝ View 26 բնակելի համալիրի շինարարության վրա, որը գտնվում է Երևանի կենտրոնում։ View 26-ն իր բնակիչներին առաջարկում է քաղաքի սրտում ապրելու բոլոր առավելությունները՝ համատեղված առանձնացված, հարմարավետ և ապահով միջավայրի հետ։ Շինարարության ընթացքում մենք օգտագործում ենք բացառապես որակյալ նյութեր՝ ապահովելով շենքի սեյսմակայունությունն, էներգաարդյունավետությունն ու ձայնամեկուսացումը։ Նախատեսվում է նաև բարձրակարգ վերելակային համակարգ ու ժամանակակից անվտանգության լուծումներ՝ առավելագույն հարմարավետության համար։ Միաժամանակ, մենք արդեն սկսել ենք նախապատրաստական աշխատանքները մեր հաջորդ խոշոր նախագծի համար՝ Նորք-Մարաշ վարչական շրջանում։ Ներկայումս իրականացվում են նախագծման փուլերը, տարածքի ուսումնասիրությունը, թույլտվությունների ստացումը և շինարարության կազմակերպումը։ Այս նախագիծը ևս կարտացոլի մեր հիմնարար արժեքները՝ անթերի որակ, նորարարություն և ճարտարապետական ինքնատիպություն։ Մենք հավատարիմ ենք շինարարական բոլոր նորմերին և ստանդարտներին՝ աշխատելով բացառապես բարձր որակի նյութերով և ժամանակակից մոտեցումներով։ Մեր համար որակը միշտ առաջնային է, իսկ յուրաքանչյուր մանրուք՝ կարևոր։