Հիմնադրելով Nurazyan Construction ընկերությունը՝ մենք սահմանել ենք մեկ հստակ նպատակ՝ ստեղծել բարձրորակ, ժամանակակից և ճարտարապետական ինքնատիպությամբ առանձնացող նախագծեր։ Այսօր մեր առաջին խոշոր բնակելի նախագիծը՝ View26-ը, արդեն մոտենում է շինարարության ավարտին։ Երևանի կենտրոնում կառուցվող View26-ը համատեղում է քաղաքի սրտում ապրելու առավելությունները՝ առանձնացված, հարմարավետ և անվտանգ բնակելի միջավայրի հետ։ Նախագծի իրականացման ողջ ընթացքում մենք առաջնահերթություն ենք տվել շինարարության որակին, հուսալիությանը և յուրաքանչյուր մանրուքի նկատմամբ ուշադրությանը՝ կիրառելով բարձրակարգ և երկարաժամկետ օգտագործման համար նախատեսված նյութեր ու ժամանակակից ինժեներական լուծումներ։ Շենքում առանձնահատուկ ուշադրություն է դարձվել սեյսմակայունությանը, էներգաարդյունավետությանը, ձայնամեկուսացմանը, անվտանգության համակարգերին և բնակիչների հարմարավետությանը։